У рамках Года культуры 8 жніўня 2016 года а 8-й гадзіне, 8-й хвіліне і 8-й секундзе на вежы агляду Гомельскага палацава-паркавага ансамбля, дзе змяшчаецца толькі 8 чалавек, адбылася прэзентацыя выстаўкі адной карціны Уладзіміра Пракапцова “Маё Палессе”.
Пасля 8 гадзін, 8 хвілін і 8 секунд экспанавання сваю карціну наш зямляк У. Пракапцоў урачыста перадаў у дар Гомельскаму палацава-паркаваму ансамблю. Далей яна будзе прадстаўлена ў адной з выставачных залаў другога паверха палаца Румянцавых і Паскевічаў.