27 лютага а 19 гадзіне ў Белай гасцінай палаца Румянцавых і Паскевічаў адбыўся канцэрт
«Жыццё ў песні. Старонкі «Хатняга спеўніка» Станіслава Манюшкі», прымеркаваны да 200-годдзя з дня нараджэння кампазітара.
Найлепшыя песні са знакамітага цыкла «Хатні спеўнік» Станіслава Манюшкі прагучалi у выкананні выдатных салістаў Вялікага тэатра Беларусі – лаўрэатаў міжнародных конкурсаў Ірыны КУЧЫНСКАЙ (сапрана) і Іллі СІЛЬЧУКОВА (барытон), а таксама шматгадовага папулярызатара гістарычнай музыкі і архіўных знаходак – ансамбля салістаў «ВЫТОКІ» пад кіраўніцтвам лаўрэата міжнародных конкурсаў, фагатыста і дырыжора Аляксея ФРАЛОВА.
Канцэрт арганізаваны пры падтрымцы Польскага Інстытута ў Мінску.