24 красавіка 2026 г. а 15.00 у рамках акцыі "Кожная пятніца - роднае, сваё!" на выставе "Музейны прадмет-2025" мы ладзім культурна-асветніцкае мерапрыемства "Посцілка: прастора натхнення".
Сярод прадметаў, якія штогод папаўняюць музейны фонд Гомельскага палацава-паркавага ансамбля, нярэдка трапляюць вырабы народнага ткацтва - аднаго з найстаражытнейшых рамёстваў у Беларусі. У зборы нашага музея захоўваюцца саматканыя элементы народнага адзення і ўзорныя тканіны з розных куточкаў Гомельшчыны. Асаблівай дэкаратыўнасцю адрозніваюцца народныя посцілкі і дываны.
Запрашаем вас пагутарыць пра посцілкі як шматгранны элемент беларускай культуры, даведацца пра іх асноўныя віды і асаблівасці ткацкіх тэхнік. У рамках мерапрыемства запланаваны майстар-клас па лінагравюры - вы зможаце зрабіць сабе на памяць унікальны адбітак упадабанага ўзора з посцілкі.
Кошт удзелу - уваходны квіток у палац Румянцавых і Паскевічаў.
Інфармацыя па тэл.: (232) 50-95-96