Гомельский дворцово-парковый ансамбль > Выставки > "Паўстанне 1863-1864 гг. у гравюрах французскага часопіса ""Le Monde illustre"

"Паўстанне 1863-1864 гг. у гравюрах французскага часопіса ""Le Monde illustre"


6 июля 2013
"Паўстанне 1863-1864 гг. у гравюрах  французскага часопіса ""Le Monde illustre"5 ліпеня 2013 года ў паўдневай галерэі палаца Румянцавых i Паскевічаў адбылося адкрыцце выставы "Паўстанне 1863-1864 гг.у гравюрах французскага часопіса "Le Monde illustre" (з фр. - "Свет ілюстраваны"). Калекцыя гравюр з прыватнагага збору прадстаўлена на экспанаванне Нацыянальным гістарычным музеем Рэспублікі Беларусь.
...У мінулым ёсць падзеі, якія застаюцца цікавымі і актуальнымі для грамадства доўгія гады. Яны вымушаюць пастаянна звяртацца да тэмы, нанова яе пераасэнсоўваць. Да ліку такіх падзей адносіцца паўстанне 1863-1864 гг. на частцы зямель колішняй Рэчы Паспалітай і Вялікага Княства Літоўскага - тэрыторыях сучасных Беларусі, Літвы, Польшчы i Украіны. Падзеі 1863 - 1864 гг. на Беларусі значна паўплывалі на ход гісторыі ўсёй краіны, змяніўшы лёс тысяч яе жыхароў, надаўшы штуршок развіццю беларускага нацыянальнага руху. Яны спрыялі ажыўленню грамадска-палітычных сіл, рэвалюцыйнага руху ва ўсёй Еўропе, Расіі.
Выданне "Le Monde illustrè" ( з фр. "Свет ілюстраваны" ) - ілюстраваны часопіс, выходзіў штотыдзень ва Францыі ў перыяд з 1857 г. па 1956 г. Гэта адно з самых аўтэрытэтных перыядычных выданняў, прысвечаных грамадскім і палітычным тэмам. На яго старонках артыкулы багата суправаджаліся візуальным шэрагам. Да 1880-х гг. тэхнічныя асаблівасці друкарскага абсталявання не дазвалялі масава тыражыраваць фотаздымкі,
На выявах вачыма еўрапейцаў перададзены падзеі 1863-1864 гг., што адбываліся на землях сучаснай Беларусі, Літвы, Польшчы. Узгадваюцца імёны карэспандэнтаў - М.Каралі, М.Агюст Аклер, Каплінскі, Багуслаў. Гравюры выраблялі на падставе рэальных фотаздымкаў з месцаў падзей, замалёвак альбо апісанняў карэспандэнтаў-відавочцаў. Яны суправаджалі невялікія паведамленні ў хроніцы, і нярэдка былі больш інфарматыўнымі і яскравымі, чым самі артыкулы.
На графічных выявах можна ўбычыць батальныя сцэны, замалеўкі з паўсядзеннага жыцця варагуючых бакоў, драматычныя эпізоды заканчэння паўстання...

Вернуться назад